Uturuki yasema ripoti ya Bunge la Ulaya “inapotosha na haina msingi”

Uturuki imepinga ripoti ya Bunge la Ulaya 2023-2024 kuhusu nchi hiyo, na kuuita waraka uliopotoshwa uliojaa “tuhuma zisizo na msingi” dhidi ya sera za ndani na sera za mambo ya nje za Ankara.

Katika taarifa iliyotolewa Jumatano, Wizara ya Mambo ya Nje imekosoa ripoti iliyotolewa katika kikao cha Bunge la Ulaya, na kusema inaonyesha upendeleo wa taasisi ambazo zinafanya “propaganda kwa mashirika ya kigaidi” na makundi ambayo malengo yake ni kuipinga Uturuki.

“Tunakataa tathmini ambayo haina uhalisia wa taasisi ambayo inatoa jukwaa la propaganda kwa mashirika ya kigaidi na makundi ambayo malengo yake ni kutoa taarifa hasi dhidi ya Uturuki, kwa hali ya kisiasa ya nchi yetu, sera yetu ya kigeni na ziara ya Rais wetu wa Uturuki katika Jamhuri ya Uturuki ya Kopru Kaskazini,” imesema wizara.

Wizara imelitaka Bunge la Ulaya kuweka mizania siku zijazo, hasa katika muktadha wa mchakato wa muda mrefu wa Uturuki kuingia Umoja wa Ulaya.

“Katika siku zijazo, tunatarajia Bunge la Ulaya kutimiza majukumu yake ya kuhakikisha kwamba uhusiano wetu na Umoja wa Ulaya, ikiwemo mchakato wa kuingia, unafanyika katika misingi ya manufaa ya pande zote mbili,” imemalizia taarifa hiyo.