Girona Ta Doke Barcelona 2-1, Real Madrid Ta Kwace Jagorancin La Liga

Ƙungiyar Barcelona ta sha kashi a karo na biyu a jere bayan da Girona ta doke ta da ci 2-1 a wasan mako na 24 na gasar La Liga ta kakar 2025/26 da aka buga a maraicen Litinin.
TRT Hausa

Sakamakon wasan ya bai wa babbar abokiyar hamayyar Barcelona, Real Madrid, damar ɗarewa saman teburin La Liga, inda ta samu tazarar maki biyu a kan Barcelona.
TRT Hausa

A makon da ya gabata ma, Barcelona ta sha mummunan kashi a hannun Atletico Madrid da ci 4-0 a gasar Copa del Rey, a wasan da aka sallami golan Barca a minti na 85.
TRT Hausa

Duk da nuna bajinta wajen tare hare-hare, golan Barcelona, Garcia, ya bayyana rashin jin daɗinsa da yadda aka ayyana shi gwarzon wasa duk da shan kashi, yana mai cewa hakan ya nuna raunin tsaron bayan ƙungiyar.
TRT Hausa

A wasan, Barcelona ce ta fara cin ƙwallo bayan dawowa daga hutun rabin lokaci ta hannun Pau Cubarsi, amma Girona ta rama bayan mintuna biyu kacal ta hannun Thomas Lemar.
TRT Hausa

Ƙwallon nasarar Girona ta zo ne a minti na 86 bayan Fran Beltran ya zura ta, lamarin da ya tabbatar da shan kashin Barcelona duk da yawan ƙoƙarin da golan ya yi wajen kare raga.
TRT Hausa

A gefe guda kuma, tauraron matashin ɗanwasan Barcelona, Lamine Yamal, ya ɓarar da bugun ɗurme a ƙarshen zagayen farko na wasan yayin da aka tashi babu ci.
TRT Hausa

Garcia ya koka kan rashin ƙoƙari daga ‘yan bayan Barca da kuma alƙalan wasa, yana mai jaddada cewa yawan ƙwallayen da ya ke tarewa ba abin alfahari ba ne, illa alamar matsala a tsaron tawagar da koci Hansi Flick ke jagoranta.
TRT Hausa