Ministan harkokin wajen Iran Abbas Araghchi ya ce Netanyahu na caca da makomar Isra'ila, yana mai ƙarawa da cewa yunƙuri na baya na samun galaba kan Iran ya ƙara mata ƙarfi ne.
Ministan harkokin wajen Iran Abbas Araghchi ya ce Firaministan Isra’ila Benjamin Netanyahu yana neman janyo Amurka cikin sabon yaƙi da Iran domin kauce wa zaman kurkuku, yayin da yake gargaɗi ga Washington kan sabon matakin soji.
“Netanyahu yana ingiza Amurka cikin wani sabon yaƙi domin kada ya shiga gidan yari,” kamar yadda Araghchi ya wallafa a shafin sada zumunta na X da yammacin ranar Lahadi, yana mai cewa shugaban na Isra’ila na yin biris da abin da zai iya biyo baya kan Isra’ila da Shugaba Donald Trump.
“A baya ka so ka ‘ƙarasa aikin,’ Iran ta fito da ƙarin ƙarfi. Kana son ka ƙara jarraba sa’arka ne? Ka kasance baƙonmu. Ka yi a hankali; mu ma muna da ayyukan da ba mu ƙarasa ba,” in ji shi.
A ƙarƙashin inuwar tuhuma
Netanyahu ya jagoranci gwamnati mai ci tun ƙarshen shekarar 2022, wadda aka sifanta a matsayin gwamnatin Isra’ila da ta fi ra’ayin riƙau a tarihi.
Kazalika Firaministan Isra’ila yana a gaban kotu a cikin ƙasar inda ake masa shari’a kan tuhume-tuhume na cin hanci da rashawa, lamarin da zai iya sawa a ɗaure shi idan an same shi da laifi kuma kotun hukunta manyan laifuka ta kasance tana nemansa tun shekarar 2024 bisa laifukan yaƙi a Gaza.
Jam’iyyun adawa sun zafafa haɗa kai domin maye gurbin gwamnatin Netanyahu a lokacin zaɓe.
Amurka da Isra’ila sun ƙaddamar da hare-haren soji kan Iran ranar 28 ga watan Fabrairu, lamarin da ya janyo hare-haren ramuwar gayya daga Tehran.
Duk da wata yarjejeniyar tsagaita wuta ta watan Afrilu da kuma wata yarjejeniyar tsari ta watan Yuni, an sake fara faɗa daga baya yayin da tattaunawa ta katse tsakanin Washington da Tehran.
Kansar mahaifa ta kashe mutum 7,093 cikin shekara ɗaya a Nijeriya: Gwamnati
A shekarar 2026, mutum 13,676 ne aka tabbatar sun kamu da cutar a Nijeriya bisa ga ƙididdigar Cibiyar Kula da Cututtukan Kansa ta Duniya.
Simon Ekpa: An rage ɗaurin da aka yi wa shugaban 'yan a-waren Biafra a Finland
A shekarar da ta gabata ne wata kotun ƙasar Finland ta ɗaure Simon Ekpa, wani jigo a cikin ƙungiyoyin da ke neman kafa ƙasar Biafra, a kudu maso gabashin Nijeriya.
Jihohi 12 da Tinubu zai je yaƙin neman zaɓen Nijeriya na 2027
A wajen liyafar ƙaddamar da kwamitin yaƙin neman zaɓen APC a fadar shugaban ƙasa a Abuja ranar Laraba, Tinubu ya ce ba dukkan gangamin yaƙin neman zaɓen shi zai halarta ba, domin kada gangamin ya ɗauke hankalinsa daga hidimar da yake wa ƙasar.
An kiyaye duk haƙƙoƙi. Newstimetr © 2026
