Yaƙi da Daesh na Tumɓuke Tushen Ta’addanci a Gabas ta Tsakiya

Shugaban Turkiyya Recep Tayyip Erdogan ya ce yaƙin da ake yi da ƙungiyar ta’addanci ta Daesh na ƙara ƙarfi, inda ake ci gaba da tumɓuke tushen ta’addanci daga yankin Gabas ta Tsakiya, yana mai cewa kawar da barazanar daga arewacin Syria zai kawo sauƙi ga Syria da ma yankin baki ɗaya. (TRT Hausa)

Erdogan ya bayyana hakan ne a ranar Asabar yayin bikin miƙa sabbin gidaje da aka gina a lardin Aydin, inda ya jaddada buƙatar haɗa kai domin tabbatar da tsaro da kwanciyar hankali a Syria. (TRT Hausa)

Ya ce zaman lafiya a Syria zai amfani dukkan al’ummomin ƙasar ba tare da bambanci ba, ciki har da Larabawa, Turkmaniyawa, Kurdawa, Alawiyawa, Druze da Kiristoci, yana mai kira da a haɗa kai wajen gina makomar ƙasar. (TRT Hausa)

Dangane da harkokin duniya, shugaban ya ce tattaunawar da aka yi a taron tattalin arzikin duniya na World Economic Forum a Davos ta nuna cewa ƙasashen yammacin duniya suna ƙara fahimtar matsayar Turkiyya na sukar tsarin duniya na yanzu. (TRT Hausa)