Kai-tsaye: Isra'ila ta matsa ƙaimi wurin kai samame a sansanonin 'yan gudun hijira na Gaɓar Yammacin Kogin Jordan
Edita:
Abdulrahman Aminu Anas
Yaƙin da Isra'ila take yi a Gaza, wanda yau ya shiga kwana na 296, ya yi sanadin mutuwar Falasɗinawa aƙalla 39,258 — galibinsu mata da yara –– tare da jikkata mutum kimanin 90,589, sannan an yi amanna sama da mutum 10,000 na danne a cikin ɓaraguzai.
Lahadi, 28 ga watan Yuli, 2024
0038 GMT — Sojojin Isra'ila sun kai samame a sansanin 'yan gudun hijira na Balata da ke gabashin Nablus a arewacin Gaɓar Yamma da Kogin Jordan ranar Asabar da maraice a karo na huɗu cikin awanni 24.
Kamfanin dillancin labarai na Falasɗinu, Wafa, ya ruwaito cewa dakarun Isra'ila sun kutsa cikin sansanin inda suka buɗe wuta, tare da yin amfani da gwanayen harbi na ɓoye da kuma manyan motocin rusa gine-gine.
Masu fafutuka a shafukan sada zumunta sun yi ta wallafa bidiyoyin da ke nuna ƙarin dakarun Isra'ila suna shiga cikin sansanin tare da jin ƙarar harbe-harbe, inda suka yi iƙirarin cewa ana yin ba-ta-kashi ne tsakanin ƙungiyoyin Falasɗinawa da sojojin na Isra'ila.
Sojojin sun fice daga sansanin da tsakar dare bayan sun shafe awanni suka cin zarafin jama'a tare da kashe aƙalla mutum biyu da jikkata gommai, a cewar ganau da kuma hukumomin kiwon lafiya na Falasɗinu.
A yayin da Isra'ila ke yaki a Gaza, a gefe guda kuma tana ci gaba da kai samame a Gaɓar Yammacin Kogin Jordan, lamarin da ya kai ga mutuwar mutum 592 tare da jikkata mutum 5,400, a cewar alƙaluma daga hukumomin Falasɗinu.
An daɗe ana tayar da jijiyoyin wuya a Gaɓar Yammacin Kogin Jordan da Gabashin Birnin Ƙudus da aka mamaye, a yayin da Isra'ila ke ci gaba da kai hare-hare a Gaza waɗanda suka yi sanadin mutuwar Falasɗinawa kusan 39,300 tun daga ranar 7 ga watan Oktoba.
Labarai masu alaƙa
Khamenei ya umarci sojojin Iran su mayar da martani nan take idan Amurka ko Isra'ila suka kai hari
17 awa da suka wuce
Akalla 'yan Uganda 27 sun halaka ko an yanke hukuncin sun halaka a yakin Rasha da Ukraine
2 kwana da suka wuce
Hukumomin Faransa sun kama mutum 135 da ƙara dokar hana fita a wasu birane saboda zanga-zanga
24 Oktoba
Koci da 'yanwasan Barcelona sun yi taron gasa nama don farfadowa daga shan kaye sau biyu a jere
Bayan shan kaye a hannun Real Madrid a gasar La Liga, da kuma a hannun PSG a gasar Zakarun Turai, ‘yanwasa da kocin Barcelona sun yi taron gasa nama don neman wartsakewa.
'Turkiyyar yau ta fi ta bara karfi,' in ji Shugaba Erdogan a Ranar Jamhuriya
Shugaban ƙasar Turkiyya ya yi bikin cikar ƙasar shekaru 103 da zama Jamhuriya, inda ya nuna ƙarfin da Turkiyya za ta ci ƙara samu a nan gaba ta hanyar samun ci-gaba a fannin tsaro da diflomasiyya.
Putin ya ce Rasha ta fi Ƙasashen Yamma masu 'mulkin mallaka' zama abokiyar hulɗar gaskiya ga Afirka
Putin ya bayyana hakan ne yayin taron ƙoli na uku tsakanin Rasha da Afirka da ake gudanarwa a birnin Moscow, babban birnin Rasha.
