A karon farko a kasar Nijar, an bude wata makarantar da za ta horar da yara kwallon kafa, mai suna Fenifoot Academy.
A kokarin ci gaba da habaka harkar wasanni a kasar Nijar, an samar da wata makaranta da za ta mayar da hankali kan horar da yara kwallon kafa, don zama kwararru.
A tashin farko, makarantar, wadda ke Yamai babban birnin kasar, za ta fara horar da yara 60, da suka hada da yara 30 'yan kasa da shekara 13, da kuma yara 30 'yan kasa da shekara 15, a cewar Silimane Mohamed, sakataren hukumar ta Fédération Nigérienne De Football.
Sakataren hukumar Kwallon Kafar ta Nijar, ya kara da cewa wannan cibiyar ba wai kwallo kafa kadai za ta koyar da yaran ba, saboda daga cikin yaran akwai 'yan makaranta da wadanda ba sa makaranta.
Sakamakon haka, wadanda ba sa makaranta akwai wani sashen da aka ware domin koya musu ayyukan hannu.
Ya kara da cewa hukumar kwallon kafar za ta yi bakin kokari domin ganin ta farfado da kimar wasannin kwallon kafa a Nijar.
A tarihin dai, kasar ta Nijar ta taba halartar gasar cin kofin kasashen Afrika a shekarar 2011 da 2012. Sai dai tun a karawar rukuni aka fitar da ita daga gasar.
Erdogan na Turkiyya: 'Babu wata damar rarrabuwar kai a duniyar Turkawa'
Shugaban Turkiyya Erdogan ya ce taron na Ankara zai ƙarfafa hadin kai,inda Turkiyya ta shirya domin kasancewa shugabar Ƙungiyar Ƙasashen Turkawa.
Dakarun Nijeriya sun kashe mayakan DAESH 48, sun ƙwato makamai a jihohin Borno da Yobe
A cikin wata sanarwa da ta fitar ranar Jumma’a, rundunar ta ce dakarunta sun dakile wani yunƙurin kai hari kan sansanin soji da ke Bitta, a ƙaramar hukumar Gwoza ta Jihar Borno, a daren ranar 29 ga Oktoba.
Tinubu ya kare matakin karɓo bashi daga waje, ya ce Nijeriya na buƙatar haɓaka tattalin arziki
Kalaman shugaban ƙasar na zuwa ne a cikin sukar matakin gwamnatin na aron kuɗaɗe da kuma tasirin hakan ga nauyin bashi kan ƙasar.
An kiyaye duk haƙƙoƙi. Newstimetr © 2026
