Ana alakanta hare-hare a yankin arewa maso-gabashin Nijeriya ga kungiyar Lakurawa, musamman ma a kauyukan da ke kusa da iyakokin kasar.
'Yan ta'addar kungiyar Lakurawa sun kashe wani sufeton 'yan sanda da fararen hula 11 a wasu hare-hare da suka kai kan kauyuka biyu a jihar Kebbi, dake arewa maso yammacin Najeriya, a cewar majoyoyin 'yan sanda.
Kakakin rundunar 'yan sandan jihar Kebbi, Bashir Usman, ya bayyana cewa maharan sun kai hari kauyukan Wawilaiyi da Kystu a karamar hukumar Koko-Besse, inda suka kona gidaje tare da sace kayan abinci daga shaguna.
Usman ya tabbatar wa manema labarai faruwar lamarin a yammacin ranar Alhamis, inda ya ce sufeton 'yan sandan ya mutu ne yayin musayar wuta da maharan. Ya kara da cewa har yanzu ba a tantance ainihin wanda ya mutu din ba, yayin da ake ci gaba da gudanar da bincike.
Ya ce hare-haren sun tilasta wa mazauna yankin barin gidajensu domin neman tsira, yayin da 'yan sanda da sauran jami'an tsaro suka killace wuraren da abin ya shafa, tare da fara farautar wadanda suka aikata laifin.
Wannan tashin hankali na zuwa ne a daidai lokacin da ake fuskantar matsalar tsaro a wasu sassan jihar Kebbi, inda tashin hankali da hare-haren ramuwar gayya suka sa mutane da dama barin muhallansu.
A baya, rundunar 'yan sandan ta bayar da rahoton cewa an kashe mutane uku, sannan wani sufeton 'yan sanda ya samu rauni, yayin wani hari da aka kai kan 'yan kasuwa 'yan kabilar Fulani a kasuwar Samanaji a ranar 22 ga watan Oktoba.
Rundunar ta ce lamarin ya haifar da hare-haren ramuwar gayya a al'ummomin da ke makwabtaka da wurin.
A wani bayani na daban, 'yan sandan sun ce 'yan ta'addar Lakurawa sun kai hare-hare kan wasu al'ummomi da ke yankin Karwa, Kestu, da Waiwayi tsakanin ranakun 26 da 29 ga watan Oktoba, inda aka samu asarar rayuka 12 a wannan lokacin.
Kungiyar Lakurawa, wadda hukumomin Najeriya ke kira da suna Mamudawa, tana da alaka da hare-haren da ake kaiwa a wasu sassan arewa maso yammacin Najeriya, musamman kan al'ummomin da ke kusa da iyakokin kasar.
TRT Afrika — TRT Afrika
Hoto: Reuters
Rasha ta ja hankalin shugabannin Afirka a babban taron Moscow
Rasha na karbar baƙuncin shugabannin Afirka da dama a ranakun Laraba da Alhamis.
Sankarar Mama: Yadda za ku kare kawunanku daga kamuwa
Gano cutar da wuri na ƙara damar samun ingantaccen magani. Ga muhimman bayanai kan alamomin sankarar mama, abubuwan da ke ƙara haɗarin kamuwa da ita da hanyoyin neman kariya.
Jagoran adawa a Isra’ila ya nemi haɗin gwiwar jam’iyyun Larabawa domin kawar da Netanyahu daga mulki
Kiran nasa ya zo ne yayin da sakamakon zaɓen da aka fara fitarwa ya nuna cewa goyon bayan jam’iyyun Larabawa zai taka muhimmiyar rawa wajen kafa gwamnatin haɗaka.
An kiyaye duk haƙƙoƙi. Newstimetr © 2026
