Vyama vikuu vya Malawi vyadai kushinda uchaguzi kabla ya matokeo rasmi kutangazwa

Kura iliofanyika Jumanne inatarajiwa kuwa mchuano mkali kati ya Rais Lazarus Chakwera na mpinzani Peter Mutharika, rais wa zamani ambaye alishindwa na Chakwera katika uchaguzi uliopita miaka mitano iliyopita.

Maafisa kutoka chama cha Chakwera cha Malawi Congress Party na Democratic Progressive Party cha Mutharika walifanya mkutano tofauti na vyombo vya habari na kusema wagombea wao wameshinda.

Kamati ya Uchaguzi ya Malawi inasema kuwa imehesabu zaidi ya 99% ya kura lakini haijatangaza matokeo yoyote, na hivyo kuifanya nchi hiyo kukabiliwa na msukosuko wa kiuchumi na kuongezeka kwa mfumuko wa bei.

"Tume haitaharakisha mchakato wa usimamizi wa matokeo kwa sababu tu baadhi ya viongozi wa vyama vya siasa na wagombea wanazidi kuweka shinikizo," alisema mwenyekiti wa MEC Jaji Annabel Mtalimanja.

Aliviambia vyama na wagombea wao kuheshimu taratibu za kuhesabu kura.

Maafisa wa uchaguzi lazima watangaze matokeo ya uchaguzi wa rais ndani ya siku saba baada ya vituo vya kupigia kura kufungwa Jumanne.