Nigeria inakataa 'shinikizo' la Marekani la kuwakubali wakimbizi wa Venezuela

Waziri wa Mambo ya Nje wa Nigeria alisema Marekani inazishinikiza nchi za Kiafrika kuwakubali watu waliofukuzwa Venezuela, baadhi yao kutoka gerezani moja kwa moja, lakini nchi hiyo yenye watu wengi zaidi barani Afrika haikuweza kuwapokea kutokana na matatizo yake yenyewe.

Utawala wa Rais Donald Trump wiki hii uliwataka marais watano wa Kiafrika wanaotembelea Ikulu ya White House kupokea wahamiaji kutoka nchi nyingine watakapofukuzwa na Marekani, maafisa wawili wanaofahamu majadiliano hayo wameliambia Shirika la Habari la Reuters.

"Unapaswa pia kukumbuka kwamba Marekani inazidisha shinikizo kubwa kwa nchi za Kiafrika kukubali Wavenezuela wafurushwe kutoka Marekani, wengine kutoka gerezani moja kwa moja," Yusuf Tuggar, Waziri wa Mambo ya Nje wa Nigeria alisema kutoka Brazil, ambako alikuwa katika mkutano wa BRICS.

"Itakuwa vigumu kwa nchi kama Nigeria kukubali wafungwa wa Venezuela nchini Nigeria. Tuna matatizo yetu ya kutosha," akibainisha taifa lake lenye watu milioni 230 wenye nguvu.

Reuters inasema Ikulu ya White House haikujibu maombi ya maoni.

Tangu arudi ofisini mnamo Januari, Trump amekuwa akishinikiza kuharakisha uhamisho, ikiwa ni pamoja na kuwatuma wahamiaji katika nchi za tatu wakati kuna matatizo au ucheleweshaji wa kuwatuma katika mataifa yao.

Wiki hii, aliwakaribisha marais wa Liberia, Senegal, Guinea-Bissau, Mauritania na Gabon katika Ikulu ya White House.