Mafuta miongoni mwa bidhaa zinazoongoza kuagizwa kutoka nje Rwanda

Kulingana na takwimu ya Biashara na Utendaji wa Sekta ya 2024, nchini Rwanda mafuta ya petroli yaliongoza kwenye orodha ya bidhaa 10 bora za Rwanda zilizoagizwa kutoka nje mwaka 2024.

Gharama ilikuwa dola milioni 680 kuashiria ongezeko la asilimia 9.5 kutoka $ 621 milioni mwaka 2023.

“Uagizaji wa vyakula muhimu kutoka nje, ikiwa ni pamoja na mchele, ulipanda zaidi ili kukidhi mahitaji ya soko," Waziri wa Biashara na Viwanda, Prudence Sebahiziwakati alielezea.

“Mengine, ikiwa ni pamoja na sukari ya miwa na saruji, yalikuwa ni uagizaji wa viwanda unaochangia maendeleo ya viwanda nchini Rwanda katika sekta ya usindikaji na ujenzi wa kilimo,” Sebahizi alisema.

Mchele ulikuwa wa pili kwa uagizaji wa bidhaa, ukipanda hadi $ 317 milioni kutoka $ 239 milioni.

Bidhaa 10 bora za Rwanda zilizoagizwa kutoka nje mwaka 2024 zilifikia zaidi ya dola bilioni 1.95 (takriban Rwf2.8 trilioni), kulingana na takwimu ya Utendaji wa Biashara na Viwanda 2024 ya Wizara ya Biashara na Viwanda.

Bidhaa hizo zilichangia asilimia 28.4 ya jumla ya bidhaa nchini kwa zaidi ya dola bilioni 6.88 mnamo 2024.

Wakati mauzo ya nje ya nchi yalifikia zaidi ya dola bilioni 3.16 mnamo 2024, ikiashiria ongezeko la dola bilioni 2.48 mnamo 2023, jumla ya uagizaji uliongezeka kutoka zaidi ya dola bilioni 6.19 mnamo 2023 hadi zaidi ya bilioni 6.88 mnamo 2024.

Kwa hiyo Rwanda ilirekodi nakisi ya biashara ya zaidi ya dola bilioni 3.71 mnamo 2024.

Bidhaa zingine kutoka nje

Bidhaa nyengine ambazo Rwanda iliagiza kutoka nje ni pamoja na sukari ya miwa na kemikali ya sukari iligharimu dola milioni 238 milioni mnamo 2024 kutoka $192 milioni mnamo 2023.

Mafuta ya mawese na bidhaa zake yaligharimu dola milioni 207 milioni kutoka $237 milioni.

Magari yaligharimu dola milioni 108 na hili ni punguzo kutoka dola milioni 113 milioni.

Saruji ilinunuliwa kwa dola milioni 94 milioni ambayo ni ongezeko kutoka $67 milioni.

Samaki waliogandishwa waligharimu dola milioni 92 milioni ikiwakilisha ongezeko kutoka dola milioni 70 milioni.

Bidhaa za dawa - $82 milioni (punguzo la asilimia 9.9, kutoka $91 milioni) vifaa vya umeme vya kuashiria sauti au kuona - $75 milioni (punguzo la takriban asilimia 47.2, chini kutoka $142 milioni).