Ɗan sama jannatin da ya kamu da rashin lafiya ya sa dole jirgin NASA ya dawo duniya

Wani ɗan sama jannati da ya kamu da rashin lafiya ya dawo Duniya tare da wasu mutum uku a ranar Alhamis a cikin wata rokar hukumar NASA da aka ƙra da nufin kwaso marasa lafiya daga sararin samaniya, lamarin da ya kawo ƙarshen aikinsu a tashar sararin samaniya fiye da wata ɗaya kafin lokacin da ya kamata su dawo ya yi, abin da ya zama aikin ceto na lafiya na farko da rokar ta NASA ta yi.

SpaceX ya jagoranci saukar rokar a yankin Tekun Pacific kusa da San Diego, ƙasa da awanni 11 bayan da 'yan sama janatin suka bar Tashar Sararin Samaniya ta Ƙasa da Ƙasa. ISS.

Lamarin yawo ƙarshen wannan bulaguro bagatatan wanda aka fara shi a watan Agusta inda ya bar rokar ta kwasar marasa lafiyatana cigaba da kewaya duniya da mutum ɗaya Ba’amurke da 'yan Rasha biyu a ciki.

NASA da SpaceX sun ce za su yi ƙoƙarin gaggawa wajen ƙaddamar da wata sabuwar tawagar mai mutane huɗu; inda aka shirya harba rokar sama a halin yanzu a tsakiyar Fabrairu.

Zena Cardman da Mike Fincke na NASA sun dawo tare da Kimiya Yui na Japan da Oleg Platonov na Rasha. Jami'ai sun ƙi bayyana sunan ɗan sama jannatin da ba shi da lafiyar ko yin bayani kan abin da ya faru, suna ba da dalilai na kariyar bayanan lafiya.

Ko da yake ɗan sama jannatin yana cikin kwanciyar hankali a cikin rokar, NASA ta so a dawo da shi Duniya da wuri-wuri domin ya samu kulawa ta likita da gwaje-gwajen gano cuta.

Jami'ai sun ce dawowa cikin duniya da sauka a teku ba sa buƙatar wasu canje-canje na musamman ko tanadi, kuma jirgin ruwa na ceton yana da ɗauke da tawagar masana lafiya da aka ajiyewa a cikinsa.

Ba a san nan da nan lokacin da za a tashi daga California zuwa hedkwatarsu a Houston ba. Hakanan ba a tabbatar da dawowar Platonov zuwa Moscow ba.

NASA ta jaddada sau da yawa a cikin makon da ya gabata cewa wannan ba lamarin gaggawa ba ne. Astronaut ɗin ya kamu da rashin lafiya ko ya ji rauni a ranar 7 ga Janairu, wanda ya tilasta wa NASA soke aikin fita waje a washegari da aka shirya ‘yan sama jannati Cardman da Fincke za su yi, kuma a ƙarshe ya haifar da dawowa kafin lokaci.

Wannan shi ne karo na farko da NASA ta dakatar da tafiye-tafiye na sararin sama saboda dalilan rashin lafiya. Rasha ta riga ta yi haka shekaru da dama da suka wuce.

Tashar sararin samaniya ta taɓa yin aiki da 'yan sama jannati uku a baya, wani lokaci ma da biyu kaɗai. NASA ta ce ba za ta iya yin aikin fita waje, ko da don gaggawa ba, har sai isowar tawagar ta gaba, wadda ke da Amurkawa biyu, Faransawa ɗaya da ɗan Rasha ɗaya.