Wanajeshi watatu wa Rwanda wauawa nchini Msumbiji

Wanajeshi watatu wa Rwanda waliuawa nchini Msumbiji mwishoni mwa wiki na wengine sita kujeruhiwa, msemaji wa jeshi la Rwanda alisema siku ya Jumanne.

Rwanda ilisema mwaka 2021 kuwa itapeleka wanajeshi karibu 1,000 pamoja na polisi nchini Msumbiji, taifa ambalo limekabiliwa na uasi kwa muda mrefu.

"Ni kweli wanajeshi wetu walishambuliwa nchini Msumbiji, na watatu wakauawa," msemaji Ronald Rwivanga alisema, akiashiria kuhusu tukio la 3 Mei katika mkoa wa Cabo Delgado.

"Ni eneo la vita na matukio kama haya yanatarajiwa, lakini hali iko shwari kwa sasa," alisema, akiongeza kuwa na wale waliojeruhiwa "hali zao zinaimarika vizuri."

Mashambulizi ya wapiganaji mara kwa mara

Mkoa wenye utajiri wa gesi wa Cabo Delgado umekuwa ukikabiliwa na mashambulizi baada ya mashambulizi katika miezi michache iliopitra na wapiganaji.

Hili ni shambulizi la hivi karibuni katika eneo ambalo limekuwa na mapigano ya waasi kwa miaka kadhaa na kusababisha vifo vya maelfu ya watu, wengine zaidi ya milioni moja kuondolewa katika makazi yao na kulazimisha kusitishwa kwa mradi wa uchimbaji gesi na kampuni ya TotalEnergies.