Wanajeshi 100 wa Marekani wafika Nigeria kusaidia mafunzo ya kijeshi

Takriban wanajeshi 100 wa Marekani wamewasili nchini Nigeria kusaidia mafunzo ya kijeshi katika vita dhidi ya makundi ya wanamgambo wa Kiislamu na makundi mengine yenye silaha. Jeshi la Nigeria limesema liliomba msaada huo kutoka Washington kwa mafunzo, usaidizi wa kiufundi na kubadilishana taarifa za kijasusi.

Maafisa wa Nigeria wamesisitiza kuwa wanajeshi wa Marekani hawatashiriki moja kwa moja kwenye mapigano na mamlaka kamili ya operesheni itaendelea kuwa chini ya jeshi la Nigeria.

Hatua hii inakuja baada ya kupungua kwa mvutano wa kisiasa kati ya nchi hizo mbili kufuatia matamshi ya awali ya Rais wa Marekani, Donald Trump, aliyedai kuwepo kwa mauaji ya Wakristo nchini humo. Nigeria kwa sasa inapambana na makundi kadhaa yenye silaha katika maeneo ya kaskazini-magharibi, huku maelfu ya watu wakiuawa katika miaka ya hivi karibuni.

Ripoti zinaonyesha kuwa licha ya kuwepo kwa wahanga wengi Wakristo, idadi kubwa ya waliouawa ni Waislamu. Hivi karibuni, vikosi vya Marekani pia vilifanya mashambulizi ya anga dhidi ya wanamgambo wanaohusishwa na kundi la Islamic State katika eneo hilo.

Chanzo: Africanews