Wakulima wa kahawa Rwanda kulipa nusu ya bei ya mbolea

Wakulima wa Kahawa nchini Rwanda watalipa nusu ya bei ya mbolea kuanzia Septemba mwaka huu, kutokana na ruzuku iliyoletwa katika jitihada za kuongeza mavuno na kuboresha ubora wa mauzo ya kahawa nchini humo.

Ruzuku hiyo inafuatia makubaliano yaliyotiwa saini kati ya Bodi ya Kitaifa ya Maendeleo ya Mauzo ya Nje ya Kilimo (NAEB), Chama cha Wasafirishaji Kahawa na Wasindikaji wa Rwanda (CEPAR), na Shirika la One Acre Fund-Tubura, Julai 9.

Kupitia ushirikiano huu, wakulima watalipa Rwf796 kwa kilo moja ya mbolea, huku Rwf796 iliyobaki itagharamiwa na serikali.

"Tunahimiza kila mkulima wa kahawa kutumia fursa hii kwa sababu unapotumia mbolea sahihi, huongeza mavuno na ubora wa kahawa, na kuharakisha maendeleo," Mkurugenzi Mkuu wa NAEB, Claude Bizimana, alisema mpango huo umeundwa ili kupata mbolea inayofaa kwa wakulima kwa gharama nafuu na kwa ufanisi.

Serikali inasema hii pia inaweza kusaidia kurejesha mapato ya mauzo ya kahawa ambayo yalishuka hadi dola milioni $78.7 (takriban Rwf110 bilioni) mwaka 2023/2024, kutoka zaidi ya $115.9 milioni mwaka wa fedha uliopita, kulingana na Wizara ya Kilimo na Rasilimali Wanyama (MINAGRI).

Tangu 2012, NAEB, kwa ufadhili wa kila mwaka wa serikali kutoka Rwf4 hadi Rwf6 bilioni, imekuwa ikinunua na kusambaza mbolea kwa wakulima wa kahawa bila malipo.

Lakini sasa kwa kuwa mbolea hiyo haitatolewa bure tena, wakulima wameimizwa kujiandaa mapema na kuratibu na wasindikaji wa kahawa na mawakala wa One Acre Fund-Tubura ili kuipata kwa wakati.