Umoja wa Afrika unasema hautambui serikali ya kando ya Sudan

Umoja wa Afrika ulisema Jumatano kuwa hautatambua "kinachoitwa serikali ya kando" nchini Sudan, na kuwataka nchi wanachama wake kukataa pia.

Vita vikali vya wenyewe kwa wenyewe vilivyodumu kwa miaka miwili nchini Sudan kati ya serikali ya mpito ya Sudan na kikosi cha Rapid Support Forces vinaendelea kuleta madhara.

Sasa Kikosi cha Rapid Support Forces (RSF), kilitangaza kuunda serikali na kumteua Waziri Mkuu siku Julai 26, 2025.

Kiongozi wa RSF Jenerali Mohamed Hamdan Dagalo alitangazwa kuwa mkuu wa baraza la rais, wakati Abdel Aziz al-Hilu, mkuu wa SPLM-N, mojawapo ya makundi makubwa ya waasi nchini humo, alifanywa naibu wake katika baraza la wanachama 15.

Mohamed Hassan al-Taishi, mwanasiasa wa kiraia, alitajwa kuwa waziri mkuu, na magavana wa majimbo walitangazwa katika mkutano na waandishi wa habari kutoka Nyala, jiji kubwa zaidi katika eneo la Darfur ambalo RSF inadhibiti zaidi.

Baraza la Amani na Usalama la AU "lilitoa wito kwa nchi wanachama wa AU na jumuiya ya kimataifa kukataa mgawanyiko wa Sudan na kutotambua kile kinachoitwa "serikali ya kando" ikidai hii ina madhara makubwa kwa juhudi za amani na mustakabali wa kuwepo wa nchi," limesema katika taarifa yake.

Serikali ya Sudan inayoungwa mkono na kijeshi imeshutumu uundaji wa RSF wa utawala sambamba, na kuuita "serikali ya kizushi."

RSF inadhibiti sehemu kubwa ya magharibi mwa Sudan, ikiwa ni pamoja na eneo kubwa la Darfur na maeneo mengine kadhaa, lakini inasukumwa nyuma kutoka Sudan ya kati na jeshi, ambalo hivi karibuni limepata tena udhibiti wa mji mkuu, Khartoum.

Jeshi la Sudan limewaondoa kwa nguvu wanamgambo hao katikati mwa nchi, huku mapigano makali yakiendelea katika eneo la Kordofan-magharibi mwa jimbo la Darfur la al-Fashir.

Mwezi Februari, RSF na wanasiasa washirika wake na makundi ya waasi walikubaliana kuunda serikali kwa ajili ya "Sudan Mpya" isiyo na dini, kwa lengo la kupinga uhalali wa utawala unaoongozwa na jeshi na kupata uagizaji wa silaha wa hali ya juu kutoka nje ya nchi.

Serikali iliyotangazwa Jumamosi inajumuisha magavana wa mikoa ya nchi inayodhibitiwa kwa nguvu na jeshi.