Mji wa kaskazini anakotoka Buhari unajiandaa kwa mazishi ya kiongozi huyo wa Nigeria

Maandalizi kwa ajili ya mazishi ya aliyekuwa Rais wa Nigeria Muhammadu Buhari yanaendelea katika mji wa kaskazini mwa nchi wa Daura kumzika kiongozi huyo ambaye alikuwa kiongozi wa nchi wa kijeshi na akachaguliwa kwa njia ya demokrasia mara mbili.

Watoto waliruhusiwa kutoka shule kwa kuwa taasisi za serikali zilifungwa kwa sababu ya sikukuu ya kitaifa na kipindi cha maombolezo, huku biashara nyingi binafsi zikiwa bado zimefunguliwa, wakishindwa kufunga maduka yao.

Buhari, 82, alifariki jijini London Jumapili "kufuatia kuugua kwa muda mrefu", Rais Bola Tinubu alisema.

Makamu wa Rais Kashim Shettima aliwasili London Jumatatu kuongozana na mwili wa Buhari hadi nyumbani, vyombo vya habari vya Nigeria vimeripoti.

Mwili kuwasili siku ya Jumanne

Msaidizi wa gavana wa jimbo la Katsina, kuliko mji wa Daura, anasema mwili wa Buhari unatarajiwa kuwasili siku ya Jumanne, huku mazishi yakipangwa kufanyika siku hiyo hiyo kulingana na taratibu za Kiislamu.

Buhari alikuwa kiongozi wa Nigeria akiwa kiongozi wa nchi wa kijeshi katika miaka ya themanini kabla ya kurejea tena akijiita "mwanademokrasia", na kuhudumu mihula miwili kuanzia 2015 hadi 2023.

Alizaliwa katika mji wa Daura 1942 enzi za utawala wa kikoloni.

Gavana wa Katsina Dikko Umaru Radda amemuelezea kuwa "mfano wa mtu wa kawaida aliyekuwa na ndoto kubwa."

Kuna polisi wengi

Huku biashara zikiendelea mjini Daura Jumatatu, uwepo mkubwa wa polisi na wanajeshi katika nyumba ya Buhari na maeneo ya makutano yamefanya ukimya wa mji huo, ambao uko kilomita 20 kutoka mpakani na Niger kutokuwepo.

"Buhari alikuwa mtu mwenye msimamo aliyefanya mambo mengi mazuri kwa Nigeria, lakini alikuwa binadamu na mapungufu yake," amesema Nasiru Abdullahi, fundi gereji mwenye umri wa miaka 35, sauti yake ikishindana na milio ya mashine.

Wakazi wametaja urithi wa Buhari na serikali yake kuwa ni kuanzisha shule ya ufundi ya Daura, chuo kikuu na kuongeza upatikanaji wa umeme, pamoja na kuweka kambi mbili za kijeshi kwa lengo la kuimarisha usalama.

"Buhari alikuwa mtu mzuri kwa Daura. Ametufanyia mengi na tunamshkuru kwa yote aliyotufanyia," alisema muuza bucha mwenye umri wa miaka 46 Aminu Lawan.

Mgombea wa kwanza wa upinzani Nigeria kumshinda rais aliyekuwa madarakani

"Kila mtu anaomboleza, lakini biashara ziko wazi kwa sababu watu lazima tuishi," muuza bucha alisema.

Buhari aliweka historia 2015 kuwa mgombea wa kwanza wa upinzani kumshinda rais aliyekuwa madarakani katika uchaguzi, kipindi ambacho kilitajwa kuwa fursa ya kipekee kwa Nigeria kubadilisha muelekeo wake.