Kasashen Afirka da suka fi cin bashin Asusun Lamuni na Duniya (IMF)

Asusun Lamuni na Duniya (IMF) yana bin ƙasashe arba’in da bakwai a Afirka bashin kuɗin da ya kama daga miliyoyi zuwa biliyoyin dalolin Amurka, inda Masar take kan gaba cikin waɗanda suka ci bashin, yayin da Lesotho take da mafi ƙarancin bashin.

Ƙasashen Afirka uku — Botswana da Eritrea da Libiya — ba su taɓa karɓar bashin IMF ba.

An cire Nijeriya daga cikin jerin, wacce ta biya bashin IMF na dala biliyan 3.4 a Afrilun 2025.

A lokuta da dama a baya bayan nan, IMF ta hana Zimbabwe bashin, inda ta ambato ɗimbin bashin da ake bin ƙasar, wanda ke barazanar cewa da wuya ta iya biya.

Ƙasashen Afirka ne suka karɓi 52% na bashin IMF

Mauritius na daga ƙasashen da su ma ba sa cikin waɗanda ake bi bashin.

Akwai ƙasashe 91 a duniya da Asusun Lamuni na Duniya (IMF) yake bin su bashi, inda Afirka take da ƙasashe 47, waɗanda suke su ne 52% na ƙasashen da ake bi bashin.

Ƙasar Argentina, wacce ake bi bashin dala biliyan 40.3 ita ce a kan gaba cikin jerin waɗanda IMF yake bi bashin, sai Ukraine da ake bi dala biliyan 10.8 da Masar da ake bi bashin dala biliyan 8.5.

IMF ita ce ƙarshen inda ake zuwa neman bashi, ma’ana yana bayar da bashin da zai warware wasu matsaloli ne ko kuma lokacin da aka shiga mawuyacin hali, amma ba ya bayar da bashi don ayyukan ci-gaba ko wasu abubuwa makamantan haka.

Ka’idojin karɓar bashin

Sai dai kafin IMF ya bayar da bashi, yana sanya ƙa’idoji ga ƙasashen da suke cin bashin.

Ƙa’idojin za su iya ƙunsar soke wasu hukumomin gwamnati, ko fito da sabbin haraje-haraje, ko dakatar da wasu shirye-shirye na bayar da tallafi kamar tallafin abinci da na ma fetur.

Ga jerin ƙasashen Afirka da IMF ke bi bashi, da abin da yake bin kowace ƙasa, zuwa 13 ga watan Mayun 2025, kamar yadda bayanan da IMF ta wallafa suka nuna.

1.         Masar – $8.5b

2.         Kenya – $3b

3.         Angola – $2.8b

4.         Côte d'Ivoire – $2.6b

5.         Ghana – $2.4b

6.         DRC – $1.8b

7.         Ethiopia – $1.4b

8.         Kamaru – $1.2b

9.         Senegal – $1b

10.       Tanzaniya – $1b

11.       Zambiya – $993m

12.       Uganda – $993m

13.       Sudan – $992m

14.       Maroko – $938m

15.       Benin – $715m

16.       Madagascar – $702m

17.       Ruwanda – $607m

18.       Tunisiya – $579m

19.       Mozambique – $545m

20.       Chadi – $468m

21.       Gabon – $440m

22.       Nijar – $420m

23.       Mali – $418m

24.       Afirka ta Kudu – $381m

25.       Jamhuriyar Kongo – $353m

26.       Saliyo – $337m

27.       Guinea – $327m

28.       Burkina Faso – $324m

29.       Malawi – $308m

30.       Mauritania – $305m

31.       Togo – $303m

32.       Sudan ta Kudu – $246m

33.       Jamhuriyar Tsakiyar Afirka – $200m

34.       Laberiya – $181m

35.       Gambiya – $117m

36.       Burundi – $100m

37.       Seychelles – $97m

38.       Namibiya – $96m

39.       Somaliya – $87m

40.       Cape Verde – $72m

41.       Equatorial Guinea – $60m

42.       Guinea-Bissau – $52m

43.       Djibouti – $32m

44.       Sao Tome and Principe – $27m

45.       Comoros – $19.9m

46.       Eswatini – $19.6m

47.       Lesotho – $11.7m

48.       Botswana (ba taɓa karɓar bashin IMF ba)

49.       Libya (ba taɓa karɓar bashin IMF ba)

50.       Eritrea (ba taɓa karɓar bashin IMF ba)

51.       Nijeriya (ta biya bashin IMF na $3.4b a Afrilun 2025)

52.       Aljeria (ta ƙi karɓar bashin a 2020)

53.       Zimbabwe (IMF ya ƙi amincewa ya ƙara maba bashi a 2021)

54.       Mauritius (ba ta cikin jerin)