Kai-tsaye: Isra'ila ta kai hari kan taron fararen-hula a kudancin Gaza
Edita:
Abdulrahman Aminu Anas
Yaƙin da Isra'ila take yi a Gaza, wanda ya shiga kwana na 322, ya kashe Falasɗinawa aƙalla 40,265 — galibinsu mata da yara — sannan ya jikkata mutum fiye da 93,144, kana an yi amanna cewa ɓaraguzan gine-gine sun danne fiye da mutum 10,000.
Juma'a, 23 ga watan Agusta, 2024
0507 GMT –– Isra'ila ta kashe Falasɗinawa aƙalla huɗu, ciki har da wani yaro a hare-hare biyu ta sama da jiragen yaƙinta suka kai kan tarukan fararen-hula a kudancin Gaza da tsakar dare. Kazalika gomman mutane sun jikkata.
Likitoci a Asibitin Nasser sun shaida wa kamfanin dillancin labaran Falasɗinu (WAFA) cewa an kai musu gawawwakin mutum uku, ciki har da wani yaro, bayan harin da Isra'ila ta kai a garin Abasan.
Bugu da ƙari, jiragen yaƙin Isra'ila sun kai hari a yankin Zaytoun a Birnin Gaza inda suka kashe mutum ɗaya tare da jikkata da dama.
0341 GMT — Harris ta yi alƙawarin 'aiwatar' da yarjejeniyar tsagaita wuta a Gaza
Kamala Harris ta yi alƙawarin aiwatar da yarjejeniyar tsagaita wuta a Gaza sannan ta ce idan ta zama shugabar Amurka ba za ta "ɗasa" da masu mulkin kama-karya kamar yadda Donald Trump na jam'iyyar Republican ya yi ba.
"Yanzu lokaci ya yi da za a kammala yarjejeniyar sako mutanen da aka yi garkuwa da su da kuma tsagaita wuta," kamar yadda mataimakiyar shugaban ta Amurka ta shaida wa magoya bayanta a taron Democratic National Convention a yayin da ta amince da tsayar da ita takarar shugaban ƙasa.
Labarai masu alaƙa
Kasashen Gulf sun yi maraba da matakin MDD na kira ga mayakan Houthi su dakatar da hare-hare
15 awa da suka wuce
Fiye da kashi 60 cikin 100 na mata sojojin Jamus sun ce an taɓa cin zarafinsu ta fuskar lalata
2 kwana da suka wuce
Daina taimaka wa sojojin Isra’ila ba ɗaya yake da kawo karshen haɗin baki da ita ba
2 kwana da suka wuce
Jami'an DSS a Nijeriya sun kama makamai da ake zargi an shiga da su Jihar Sokoto daga Nijar
Hukumar DSS ta ce ta ƙwato bindigogi ƙirar AK-47 guda 21, manyan bindigogin PKT guda hudu da harsasai 825, tare da kama wata mata da ake zargi da safarar makaman.
Burhan na Sudan ya buƙaci a cire siyasa a rabon tallafin yaƙi da sauyin yanayi ga ƙasashe mara ƙarfi
Shugaban Majalisar Mulkin Rikon Kwarya ta Sudan, Abdel Fattah al-Burhan, ya bukaci kasashe masu arziki su ninka tallafin kudaden da suke bai wa kasashe masu tasowa domin taimaka musu wajen shawo kan illolin sauyin yanayi.
Tsohon shugaban FIFA, Joseph Blatter, ya kira Infantino da "mahaukaci"
Joseph Blatter na neman a bincika ko Donald Trump yana taka babbar rawa wajen jan akalar Infantino, har yake cewa yana tunanin lamura sun fara ɓaci ne tun bayan faruwar kusancin shugaban FIFA da Trump.
