Yaƙin da Isra'ila take yi a Gaza — wanda ya shiga kwana na 411 a yau — ya kashe Falasɗinawa aƙalla 43,972 tare da jikkata fiye da mutum 104,008. A Lebanon, Isra'ila ta kashe fiye da mutum 3,544 tun daga watan Oktoban 2023.
Laraba, 20 ga watan Nuwamba, 2024
2300 GMT — Jiragen yaƙin Isra'ila sun yi luguden bama-bamai a gidan wani mutum mai suna Joudeh da ke Tsohon Titin Gaza a yankin Jabalia al-Balad na arewacin Gaza, inda Falasɗinawa 20 suka mutu ko kuma suka ɓata, a cewar wasu ganau da kuma wasu rahotanni daga yankin.
Kafofin watsa labaran yankin sun ce mutum 12 sun mutu sakamakon luguden wutar da jiragen yaƙin Isra'ila suka yi.
Cibiyar samar da bayanai kan Falasɗinawa ta Palestinian Information Center, ta ce mutum 10 sun ɓata.
A gefe guda, an jikkata wani ɗan jaridar Gaza Hossam Shabat wanda ke jerin manema labarai da Isra'ila take so ta kashe, kamar yadda Shabat ya wallafa a shafinsa na X.
"A daren nan, dakarun Isra'ila sun kawo mini hari da gangan. Bayan na samu labarin tashin bam a maƙotanmu, na tsere cikin motata domin bayar da rahoto. Lokacin da na isa gidan da lamarin ya faru, na ga mutane a kiɗime suna ihu domin neman agaji daga hawa na biyu na ginin," in ji shi.
"Lokacin da na shiga gidan, an sake kai masa hari inda wasu sassani jikin mutane suka faɗo kaina. Ɓuraguzai sun faɗo a kaina da kuma kan abokan aikina. An kashe ɗaya daga cikin mutanen da suka soma isa gidan yayin ni da wani abokin aikina muka jikkata, kuma wasu da dama sun riga mu gidan gaskiya."
BAMEX 2026: An fara baje-kolin fasahar tsaro ta ƙasa da ƙasa a Mali
Ana nuna fasahohi na tsaro da kuma tatttaunawa na manyan jami'ai a wurin baje kolin.
Nijeriya za ta fara yi wa ’yan ƙasar masu digirin ƙasashen waje jarrabawa don kawar da digirin bogi
Ta bayyana buƙatar da ke akwai ta ƙarfafa tantancewa da kuma tabbatar da cewa masu shirin wa ƙasa hidima na NYSC sun halarci makarantun da ke ba da takardun shaidar karantunsu.
Kurum ya buƙaci taron COP31 ya mayar da alƙawuran yaƙi da sauyin yanayi zuwa ayyuka na zahiri
Murat Kurum na Turkiyya ya buƙaci taron COP31 ya aiwatar tare da cika alƙawura da aka ɗauka, ta hanyar mayar da su ayyukan da za a iya gani, tare da ƙarfafa tattaunawa da kuma tallafa wa ƙasashen da suka fi fuskantar barazanar sauyin yanayi.
An kiyaye duk haƙƙoƙi. Newstimetr © 2026
