Jaji wa Mali anatarajiwa kuruhusu kufunguliwa tena kwa mgodi wa Barrick chini ya usimamizi mpya

Jaji nchini Mali anatarajiwa kuagiza kufunguliwa tena kwa kampuni ya uchimbaji madini ya Barrick Loulo-Gounkoto siku ya Alhamisi chini ya usimamizi mpya kufuatia ombi la serikali ya Mali, watu watatu wanaofahamu yanayojiri walisema.

Agizo hilo litasababisha mvutano zaidi katika mzozo kati ya serikali na kampuni hiyo ya uchimbaji madini ya Canada ambayo tayari ilisimamisha shughuli zake mwezi Januari.

Barrick na serikali inayoongozwa na jeshi ya Mali wamekuwa wakivutana tangu 2023 kuhusu utekelezaji wa sheria mpya ya madini ambayo inaongeza kodi and kuipa serikali ya Mali hisa kubwa kwenye mgodi huo wa dhahabu.

Uchimbaji ulisitishwa baada ya serikali kuzuia tani 3 za dhahabu zenye thamani ya dola milioni 317 kwa bei ya wiki iliopita, ikiilaumu kampuni hiyo kwa kushindwa kutimiza wajibu wake wa kulipa kodi.

Serikali imekuwa ikizuia kampuni ya Barrick kusafirisha dhahabu nje ya nchi tangu mapema mwezi Novemba.

Usimamizi mpya

Kama wenye hisa za 20%, kampuni hiyo ya Afrika Magharibi imeomba kufunguliwa tena kwa mgodi katika mahakama ya upatanishi ya Bamako, watu wawili walisema.

Kama majaji watakubaliana na ombi lao, usimamizi mpya utateuliwa ili ufunguliwe na kusimamia migodi, watu wawili hao waliongeza.

Hatua za hivi sasa zinakuja huku pande zote mbili zikifanya mazungumzo kujadili makubaliano mengine.

Alhamisi ndiyo siku ya mwisho ya kulipa kodi nchini Mali. Kampuni ya Barrick imesajiliwa kwa mfumo wa ulipaji kodi ndani ya taifa la Mali.

Msemaji wa Barrick na Wizara ya Madini ya Mali hawakujibu walipotakiwa kulitolea ufafanuzi suala hilo.