Ankara Za Ta Kafa Yankunan Tsaro Na Musamman Domin Taron NATO Na 2026

Bisa ga bayanan da Anadolu Agency (AA) ta samu, hukumomin Turkiyya suna shirye-shiryen tsaro na musamman domin taron NATO da za a gudanar a Ankara a ranakun 7 zuwa 8 ga Yuli.

Za a ayyana yankunan da ke kusa da Filin Jirgin Sama na Esenboğa, wurin taron, hanyoyin da jami’an diflomasiyya za su bi da kuma otal-otal da za su karɓi baƙi a matsayin yankunan tsaro na musamman.

Hukumomi sun kuma sanar da cewa ba za a amince da gangami ko zanga-zanga a Ankara daga 1 zuwa 15 ga Yuli ba saboda shirye-shiryen tsaro.

Ana sa ran jami’an ‘yan sanda da jami’an jandarma kusan 40,000 za su kasance a bakin aiki yayin taron. Haka kuma za a girke na’urorin sa ido masu inganci a wurare kusan 100 masu muhimmanci.

Za a ƙara bincike da matakan tsaro a filin jirgin sama da hanyoyin shiga Ankara. Hukumomin Turkiyya suna haɗin gwiwa da wasu ƙasashe domin hana duk wani mutum da ake zargin barazana ga tsaro shiga babban birnin kasar.

An tsara shirye-shiryen ne bisa la’akari da yawan mahalarta tarukan NATO da suka gabata.

A baya-bayan nan ma’aikatar harkokin cikin gida ta Turkiyya ta gudanar da taron tsaro karkashin jagorancin Minista Mustafa Çiftçi domin nazarin shirye-shiryen taro