Amazon da Microsoft sun buƙaci ma’aikatansu su zauna a Amurka bayan bizar H-1B ta koma $100,000

21 September 2025

Bayan dokar da Trump ya saka wa hannu, duk wani kamfanin Amurka da ke so ya ɗauko ma'aikaci daga ƙasar waje, sai ya rinƙa biya wa ma'aikacin dala 100,000 a duk shekara a matsayin kuɗin biza.

Amazon da Microsoft sun buƙaci ma’aikatansu su zauna a Amurka bayan bizar H-1B ta koma $100,000

Kamfanonin Amazon, Microsoft da JPMorgan sun gargadi ma’aikatansu masu takardun izinin zama na H-1B da H-4 da su zauna a Amurka kuma su guji tafiya zuwa ƙasashen waje bayan Shugaba Donald Trump ya sanya hannu kan wata doka mai girma da ke sauya tsarin izinin aiki ga kwararru.

Bayanan cikin gida da imel sun nuna cewa kamfanonin suna ba da shawara ga masu izinin zama da ke ƙasashen waje a halin yanzu su dawo Amurka kafin karfe 12:01 na safe ET a ranar 21 ga Satumba, lokacin da sabbin dokokin za su fara aiki, kamar yadda Reuters ta ruwaito.

Umarnin Trump, wanda ya saka wa hannu a ranar Juma’a a Ofishin Oval, yana bukatar kamfanoni su biya harajin shekara-shekara na $100,000 ga kowanne izinin H-1B, matakin da gwamnatin ke cewa an yi shi ne don kare ma’aikatan Amurka.