Ademola Lookman karibu kujiunga na Atletico Madrid

Atletico Madrid imetangaza kuwa imefikia makubaliano na klabu ya Atalanta ya Italia kwa ajili ya kumsajili mshambuliaji wa Nigeria, Ademola Lookman. Mchezaji huyo mwenye umri wa miaka 28 tayari yupo Madrid kwa ajili ya kukamilisha taratibu za usajili wake.

Kwa mujibu wa taarifa ya klabu hiyo ya Hispania, makubaliano hayo yatakamilika baada ya Lookman kufanyiwa vipimo vya afya na kusaini mkataba rasmi. Vipimo hivyo vinatarajiwa kufanyika Jumatatu.

Lookman, ambaye amewahi kuchezea Fulham na Leicester nchini Uingereza kabla ya kujiunga na Atalanta mwaka 2022, pia amewahi kucheza kwa RB Leipzig na Everton. Katika mashindano ya Kombe la Mataifa ya Afrika, amefunga mabao matatu kwa timu ya taifa ya Nigeria.

Atletico Madrid kwa sasa inashikilia nafasi ya tatu kwenye La Liga, ikiwa pointi tisa nyuma ya Real Madrid na pointi kumi nyuma ya vinara Barcelona baada ya mechi 22. Mwishoni mwa mwezi huu, klabu hiyo itakabiliana na Club Bruges katika hatua ya mtoano ya Ligi ya Mabingwa Ulaya.

CHANZO: Newstimehub