Victor Osimhen afikisha mabao 200 ya kazi yake ya soka

Mshambuliaji wa Nigeria, Victor Osimhen, ameweka alama mpya katika historia ya soka baada ya kufunga bao lake la 200 katika ushindi wa Galatasaray wa mabao 4–0 dhidi ya Kayserispor. Bao hilo lilitokana na penalti, huku pia akitoa pasi ya bao, akionyesha mchango wake mkubwa kwa kikosi cha Uturuki.

Safari ya mabao ya Osimhen imeenea katika vilabu kadhaa barani Ulaya: Napoli (76 mabao), Charleroi ya Ubelgiji (20), Lille ya Ufaransa (18), na sasa Galatasaray ambapo amefunga mabao 51.

Kwa timu ya taifa ya Nigeria, Osimhen ana mabao 35, na kumuweka karibu sana na rekodi ya muda mrefu ya marehemu Rashidi Yekini, ambaye alifunga mabao 37 kwa Super Eagles.

Ni wachache tu wa Nigeria waliowahi kufikia alama ya mabao 200 katika soka la kulipwa. Yekini alimaliza na takribani mabao 483, Odion Ighalo zaidi ya mabao 219, na Yakubu Aiyegbeni mabao 215, ikiwemo 95 kwenye Ligi Kuu ya England.

Rekodi hii inamuweka Osimhen miongoni mwa washambuliaji wakubwa wa Nigeria, huku akionekana bado ana miaka ya kilele mbele yake.

CHANZO: Newstimehub