Turkiyya ta jaddada dakatar da kasuwanci da Isra'ila, da hana jiragen ruwanta zuwa tasoshin Isra'ila

Turkiye ta sake tabbatar da cikakkiyar dakatar da cinikayya da Isra'ila, inda Ministan Harkokin Waje ya sanar da cewa jiragen ruwa na Turkiyya ba za su sake samun izinin sauka a tasoshin jiragen ruwa na Isra'ila ba, kuma za a hana jiragen sama na Isra'ila damar shiga sararin samaniyar Turkiyya.

Da yake magana a wani zama na musamman na Majalisar Dokokin Turkiyya a ranar Jumma'a, Ministan Harkokin Waje Hakan Fidan ya zargi Isra'ila da aikata laifuka a Gaza da ya bayyana a matsayin "daya daga cikin mafi muni a tarihi na bil'adama."

"Isra'ila tana aikata laifin kisan kare dangi a Gaza tsawon shekaru biyu, tana watsi da muhimman dabi'un bil'adama a kan idon duniya," in ji Fidan.