Erdogan ya tuna da waɗanda girgizar ƙasa ta kashe, ya ce Turkiyya ta sake gina biranen da suka lalace

Shugaban ƙasar Turkiyya Recep Tayyip Erdogan ya yi bikin tunawa da waɗanda girgizar ƙasa guda biyu suka shafa a ranar 6 ga Fabrairun 2023, inda ya ce ƙasar ba za ta taɓa mantawa da rayukan da aka rasa ba, tare da jaddada cewa an cika alƙawarin sake gina biranen da suka lalace. TRT Hausa

A cikin wani saƙo da ya wallafa a shafin sada zumunta na NSosyal, Erdogan ya ce gwamnati za ta ci gaba da kare amanar waɗanda abin ya shafa da kuma gyara dukkan yankunan da girgizar ƙasa ta lalata, yana mai cewa an shawo kan ƙalubalen cikin shekaru uku. TRT Hausa

Shugaban ƙasar ya kuma raba wani bidiyo da ke nuna barnar da ta faru a 2023 tare da hotunan sabbin gidaje, kayayyakin more rayuwa da wuraren hutawar jama'a da aka samar a yankunan da lamarin ya shafa. TRT Hausa

Girgizar ƙasa guda biyu da suka faru a tsakiyar lardin Kahramanmaras sun kashe dubban mutane tare da haddasa babbar barna a larduna 11 na kudancin Turkiyya, kuma ana sa ran Erdogan zai halarci wasu bukukuwan tunawa daga baya a ranar. TRT Hausa