Mtoto wa Gaddafi aachiliwa huru baada ya miaka kumi gerezani

Hannibal alikamatwa mwaka 2015 nchini Syria kutokana na madai ya kuwa na taarifa kuhusu kutoweka kwa kiongozi wa Kiislamu wa Kishia, Imam Musa al-Sadr, ambaye alipotea mwaka 1978 akiwa ziarani Libya. 

Wakati huo, Hannibal alikuwa na umri wa miaka miwili pekee, jambo lililowafanya wengi kuhoji uhalali wa kumhusisha na tukio hilo.

Baada ya shinikizo kutoka kwa wanaharakati wa haki za binadamu, mahakama iliamua kupunguza dhamana yake kutoka dola milioni 11 hadi takriban dola 900,000, na baadaye kufuta marufuku ya kusafiri.

"Kuachiliwa kwa Gaddafi kulikuja baada ya mawakili wake kulipa dhamana," shirika la habari la National News liliripoti.

Serikali ya Umoja wa Kitaifa yenye makao yake makuu mjini Tripoli (GNU) ya Abdulhamid al-Dbeibah ilieleza shukrani zake kwa rais wa Lebanon na spika wa bunge kwa "ushirikiano wao ambao umepelekea kuachiliwa kwa Gaddafi".

Hannibal hadi kufikia hatua hii haikuwa rahisi. Alitoroka Libya mwaka 2011, wakati wa mapinduzi yaliyomuondoa madarakani baba yake.

Kutoweka kwa kiongozi huyo wa Kishia kwa njia ya tatanishi kwa karibu nusu karne iliyopita kuliibua miongo kadhaa ya shutuma kati ya Libya na Lebanon.