Iran ta ce ba za ta amince da “bukatu barkatai” kan shirin nukiliyarta ba

Shugaban Iran Masoud Pezeshkian ya ce ƙasarsa ba za ta amince da duk wasu “bukatu barkatai” dangane da shirin nukiliyarta ba, bayan Iran da Amurka sun koma tattaunawa kan batun. TRT Hausa

Pezeshkian ya ce Iran a shirye take ta bayar da dama domin a tantance shirinta na nukiliya, yana mai jaddada cewa ƙasar ba ta da niyyar kera makamin nukiliya. TRT Hausa

Iran da Amurka sun sake fara tattaunawa a makon jiya, karo na farko tun bayan yaƙin da Iran da Isra’ila suka yi a watan Yunin da ya gabata, lokacin da Amurka ta kai hare-hare kan cibiyoyin nukiliyar Iran. TRT Hausa

“Iran ba za ta mika wuya ga masu tsangwamar ta ba, amma za mu ci gaba da tattaunawa da masu ƙarfinmu da makwabtanmu domin tabbatar da zaman lafiya a yankin,” in ji Pezeshkian. TRT Hausa

Shugaban na Iran ya faɗi hakan ne yayin wani jawabi a dandalin Azadi Square da ke Tehran, yayin bikin cika shekaru 47 da juyin juya halin Iran. TRT Hausa

Ya ƙara da cewa Iran na son tattaunawar ta ta’allaka ne kan shirin nukiliya kaɗai, yayin da Amurka ke matsa lamba kan Iran ta dakatar da shirinta na makamai masu linzami da kuma rage goyon baya ga wasu ƙungiyoyi a yankin. TRT Hausa