WHO inasema mashambulizi kwa sekta ya afya Sudan yanaendelea kuwa hatari, na kuenea kila mahali

Mashambulizi katika sekta ya afya nchini Sudan yanaendelea "kuenea na kuwa hatari zaidi," kutatiza huduma za msingi kufikia watu na kuwaweka wahudumu wa afya na wa misaada katika hatari, Shrika la Afya Duniani (WHO) lilisema siku ya Ijumaa.

Tangu mapigano kuanzia Aprili 2023, WHO imethibitisha mashambulizi 201 kwa sekta ya afya nchini Sudan, na kusababisha vifo 1,858 na kujeruhi watu 490. Mwaka 2025 pekee, 65 mashambulizi 65 yalirekodiwa, kusababisha vifo zaidi ya 1,620 na majeruhi 276. WHO ilisema katika taarifa kuwa vifo hivyo ni asilimia zaidi ya 80 ya vifo vyote kutokana na mashambulizi kwa sekta ya afya vilivyothibitishwa katika mazingira magumu ya matatizo kwa watu kote duniani mwaka huu.

Idadi hii inayoongezeka inatatiza kufikiwa kwa huduma za afya wakati ambao "inahitajika zaidi," anasema Shible Sahbani, mwakilishi wa WHO na mkuu wa jumbe nchini Sudan, akieleza kuwa wahudumu wa afya wanaendelea kufikishwa huduma kwa "ujasiri mkubwa na kujitolea" licha ya mazingira hayo magumu.

Alisisitiza kuwa wanahitaji kulindwa, "siyo kushambuliwa au kukamatwa."

Tukio la hivi karibuni lilitokea Disemba 14, wakati wa mashambulizi katika hospitali moja eneo la Dalanj, sehemu muhimu katika jimbo la Kordofan Kusini, na kuuwa wahudumu tisa na kuwajeruhi wengine 17.

Mapema mwezi huu, shule moja ya chekechea na Hospitali ya kijijini ya Kalogi Kordofan Kusini pia zilishambuliwa, na kuwaua watu 114, ikiwemo watoto wasiopungua 60, na kuwajeruhi wengine 35. Wahudumu wa afya walikuwa wanawatibu walioshambuliwa wakati hospitali ilipovamiwa, na wagonjwa kuondolewa katika hospitali ya Abu Jebaiha kumefanyika huku mashambulizi yakiendelea.

WHO imetoa wito wa kusitishwa kwa mashambulizi dhidi ya raia mara moja, wahudumu wa afya na vituo vya afya, wakitaka pande zote kuhakikisha mpango wa usalama, haraka na kufikiwa watu kulingana na sheria za kimataifa kwa haki za binadamu, ikisema amani "ilitakiwa kuwepo" muda mrefu kwa watu wa Sudan.