Lamine Yamal: Mfalme aliyekosa taji la Ballon d'Or

Lamine Yamal alifika katika hafla ya kwanza ya tuzo ya Ballon d'Or kufanyika Uingereza akiwa na matumaini.

Licha ya kuwa mchezaji huyo kijana mwenye asili ya Afrika kutoshinda tuzo ya juu, aliondoka hapo akiwa mchezaji mwenye umri mdogo kuzoa tuzo katika historia.

Yamal amekosa fursa ya kuwa mchezaji mwenye umri mdogo kushinda tuzo ya Ballon d'Or baada ya kutoonekana imara wakati wa Kombe la Dunia, ingawa Mbappe alimpiku katika Kombe la Dunia, Ligi ya Mabingwa Ulaya na Ligi ya La Liga.

Katika hafla hiyo jijini London siku ya Jumatatu, Oktoba 26, winga huyo wa Barcelona mwenye umri wa miaka 19 alikuwa nafasi ya tatu baada ya mshindi Harry Kane na nafasi ya pili akiwa Kylian Mbappe.

Kane, 33, alishinda tuzo ya 70 ya Ballon d'Or kwa wanaume akiwa amefunga magoli 73 katika mechi 65 alizocheza Bayern Munich na England.

Mchezaji bora kijana

Kukosa tuzo ya Ballon d'Or huenda ikawa uchungu kwa Yamal, lakini aliweka historia nyingine tofauti. Alishinda tuzo ya Kopa kwa kuwa mchezaji kinda bora kwa mwaka wa tatu mfululizo, ikiwa ndiyo tuzo ya kwanza kutolewa kwa usiku huo.

Ni ishara ya umahiri wake kutambulika akiwa na umri mdogo. Alizaliwa tarehe 13 Julai 2007 eneo la Esplugues de Llobregat, katika mji wa Barcelona, Yamal alijiunga na La Masia akiwa na umri wa miaka saba na kucheza katika timu ya kwanza akiwa na umri wa miaka 15, miezi tisa baadaye Aprili 29, 2023, akawa mchezaji kinda zaidi katika timu ya Barcelona.

Asili yake inatoa taswira ya Hispania ya sasa. Baba yake, Mounir Nasraoui, anatoka Morocco, ilhali mama yake, Sheila Ebana, ni wa kutoka taifa la Equatorial Guinea.

Alikuwa na fursa ya kucheza timu ya Hispania, Morocco na Equatorial Guinea, akachagua Hispania, alikozaliwa, lakini bado anavaa viatu vyenye rangi za bendera ya mataifa hayo mawili ya Afrika, jambo alilolionesha tena wakati wa Kombe la Dunia 2026. 

Waafrika walioteuliwa kwa tuzo

Katika hafla ya mwaka 2026, bara la Afrika lilikuwa na wachezaji 10 walioteuliwa katika makundi manne ya tuzo, ikiwa ni idadi kubwa zaidi kuwahi kutokea kwa miaka kadhaa.

Kwa tuzo ya juu, nahodha wa Morocco na beki wa klabu ya PSG Achraf Hakimi na Sadio Mane wa Senegal, aliyekuwa nafasi ya pili mwaka 2022, walikuwa miongoni mwa orodha ya kwanza ya watu 30 lakini hawakuwa miongoni mwa 10 bora wakati kura zikiwaendea washindi wa Kombe la Dunia.

Golikipa maarufu wa Cabo Verde mwenye umri wa miaka 40, Vozinha, aliteuliwa kwa tuzo ya Yashin kutokana na unahodha wake kuisaidia timu hiyo kumaliza hatua ya makundi bila kufungwa na pia kutoka sare na Hispania katika Kombe la Dunia.

Barbra Banda wa Zambia na Temwa Chawinga wa Malawi waliteuliwa kwa tuzo ya Ballon d'Or kwa Wanawake, huku Chawinga akiwa mwanamke wa kwanza kutoka Afrika kumaliza miongoni mwa 10 bora.

Lakini bara la Afrika linaendelea kusubiri kwa tuzo ya pili ya Ballon d'Or. George Weah wa Liberia, ambaye baadaye alikuwa rais, ndiye pekee kutoka bara la Afrika kushinda tuzo hiyo mwaka 1995.