Fedha hizo zinadaiwa zilikuwa ndani ya makochi katika shamba la rais.
Mahakama nchini Afrika Kusini imewapata na hatia washukiwa wawili kati ya watatu wanaodaiwa kuiba Dola 580,000 kutoka kwa shamba la Rais Cyril Ramaphosa la Phala Phala mkoa wa Limpopo mwaka 2020.
Mahakama ya Modimolle iliwapata Imanuwela David na Floriana Joseph na hatia ya kuhusika katika wizi, huku mshukiwa wa tatu, Ndilinasho Joseph, akiachiwa huru.
Hakimu Peter Manthata alisema taarifa za simu zilitoa ushahidi wa kutosha wa kumhusisha David na Floriana na wizi huo, ambao ulihusisha wizi wa fedha zilizokuwa ndani ya makochi kwenye shamba la rais.
“Kwa kuzingatia ushahidi kwa ujumla, jambo peke linalojitokeza ni mawasiliano kati ya mshukiwa wa kwanza na wa pili kuhusu Dola zilizokuwa zimefichwa chini ya kochi kwenye nyumba ya shamba la Phala Phala. Kwa hiyo, nimejiridhisha kuwa wawili hao walipanga njama ya kuvunja nyumba na kuiba pesa zilizosemekana kuwemo ndani humo.”
Mahakama pia iliambiwa kuwa David alitumia sehemu ya fedha alizoiba kumnunulia aliyekuwa mpenzi wake wakati huo gari na nyumba, shirika la habari la taifa SABC liliripoti.
TRT Afrika Swahili — TRT Afrika Swahili
Dakar 2026: Shindano la kwanza la Olimpiki barani Afrika kuanza
Michezo ya Olimpiki ya Vijana, inayohusisha takriban wanariadha 2,700 kutoka kote duniani, inafanyika kuanzia tarehe 31 Oktoba hadi 13 Novemba nchini Senegal.
Putin amuahidi Ruto kukomesha usajili wa Wakenya katika jeshi la Urusi
Ruto anasema Rais wa Urusi Putin amekubali kuwezesha kurejea kwa Wakenya waliosajiliwa.
Waziri wa Mambo ya Nje wa Uturuki ahudhuria mkutano wa G20 nchini Marekani
Mkutano huo, ambao uliandaliwa na waziri wa mambo ya nje wa Marekani, Marco Rubio, umewaleta pamoja wanadiplomasia kujadili changamoto za kiulimwengu, nishati, usalama wa chakula na mambo mengine.
Haki zote zimehifadhiwa. Newstimetr © 2026
