Uturuki yalaani uamuzi wa Colombia kuhamisha ubalozi wake wa Israel Jerusalem Magharibi

Siku ya Alhamisi Uturuki ililaani uamuzi wa Colombia kuhamisha ubalozi wao wa Israel kutoka mjini Tel Aviv hadi Jerusalem Magharibi.

“Hatua hii inakiuka maamuzi husika ya Umoja wa Mataifa, hasa ya Baraza la Usalama 476 (1980) na 478 (1980), na kwenda kinyume na misingi ya kisheria iliyoainishwa ya Mahakama ya Kimataifa ya Haki,” Wizara ya Mambo ya Nje ya Uturuki ilisema katika taarifa.

“Jerusalem Mashariki ni sehemu muhimu ya eneo la Palestina linalokaliwa,” wizara ilisema.

Taarifa hiyo ilitoa wito kwa Colombia kufikiria upya kuhusu uamuzi wake, ikisisitiza kuwa mataifa yote yanatakiwa kujiepusha na hali yoyote ambayo itadunisha hadhi ya kihistoria na ya kisheria ya Jerusalem Mashariki.

“Tunasisitiza kuhusu kuanzishwa kwa taifa huru, na linalojitegemea la Palestina kwa kuzingatia mipaka ya 1967, huku Jerusalem Mashariki ukiwa mji wake mkuu, ndiyo njia pekee ya kupatikana kwa amani ya haki, ya kudumu na ya kweli katika kanda,” ilisema.