UN Weka Vikwazo kwa Makamanda wa RSF Sudan Baada ya Utekaji wa Al Fasher

Baraza la Usalama la Umoja wa Mataifa limeweka vikwazo makamanda wanne wa Jeshi la Msaada wa Haraka (RSF) nchini Sudan kwa tuhuma za ukiukaji mkubwa wa haki za binadamu wakati wa kutekwa kwa mji wa Al Fasher Oktoba mwaka jana.

Walioorodheshwa ni naibu makamanda Abdelrahim Hamdan Daglo na Gedo Hamdan Ahmed, pamoja na Brigedia Jenerali Al-Fateh Abdullah Idris na kamanda wa uwanja Tijani Ibrahim. Uchunguzi wa Umoja wa Mataifa umeonyesha kuwa vikosi vya RSF vilihusika katika mauaji ya raia, ukatili wa kijinsia na mashambulizi dhidi ya makabila fulani.

Tangu Aprili 2023, mapigano kati ya RSF na jeshi la serikali yamesababisha maelfu ya vifo na mamilioni ya watu kuyahama makazi yao. Baadhi ya makamanda hao tayari wamewekewa vikwazo na Marekani na washirika wake wa kimataifa.

CHANZO: Newstimehub