Umoja wa Afrika wapongeza uchaguzi wa amani Jamhuri ya Afrika ya Kati

Waangalizi wa Umoja wa Afrika (AU) Jumanne walisema uchaguzi nchini Jamhuri ya Afrika ya Kati, ambako Rais aliye madarakani Faustin-Archange Touadera aliwania tena urais, umefanyika kwa amani.

Touadera, mwenye umri wa miaka 68, anatafuta muhula wa tatu na amekuwa na juhudi zake za kuhakikisha kuwepo kwa amani katika taifa.Baadhi ya wanachama wa upinzani walitoa wito wa kususiwa kwa uchaguzi, wakisema mchakato ulikuwa si wa wazi na kutaka kufanyike mazungumzo ya kisiasa.

Touadera aliingia kwenye uchaguzi akiwa katika nafasi bora baada ya katiba mpya kuidhinishwa mwaka 2023 iliyomruhusu kugombea muhula mwingine.Mwakilishi wa ujumbe wa AU, Bernard Makuza, alipongeza uchaguzi huo, ambao ulijumuisha wa wabunge, serikali za manispaa na mikoa kwa wakati mmoja, kama hatua chanya kuelekea demokrasia.

Chanzo: Newstimehub