Haya yanajiri huku kukiwa na mlipuko mkubwa wa ugonjwa wa Ebola nchini Jamhuri ya Kidemokrasia ya Congo (DRC), ambao umeenea katika mataifa kadhaa ya Afrika.
Uganda imekanusha kuwepo kwa maambukizi ya Ebola baada ya Nigeria kuripoti kuwa mwanamke aliyeambukizwa ugonjwa huo alikuwa amesafiri kutoka Jamhuri ya Kidemokrasia ya Congo (DRC).
Katika taarifa siku ya Jumanne, Wizara ya Afya ya Uganda imesema mwanamke huyo alipitia Uganda mapema mwezi wa Oktoba bila dalili zozote alipowasili kutoka Nigeria.
“Kusafiri kupitia Uganda hakumaanishi kuwa maambukizi yametokea hapa,” wizara ilisema, ikiongeza kuwa uchunguzi kuhusu eneo husika unaendelea.
Uganda inasema Nigeria bado haijatoa taarifa kamili za kusafiri za mwanamke huyo na watu aliotangamana nao.
‘Hakuna maambukizi’
“Tungependa kuweka wazi, wakati wa kutoa taarifa hii, Uganda HAINA maambukizi yoyote ya Ebola,” taarifa hiyo ilisisitiza.
Wizara inasema itaimarisha taratibu za uchunguzi wa afya katika maeneo ya mipakani, huku ikitoa wito kwa umma kuwa makini, kunawa mikono na kutumia vimiminika.
Nigeria ilithibitisha maambukizi yake ya kwanza ya mlipuko wa sasa wa Ebola siku ya Jumanne, huku Waziri wa Afya Muhammad Ali Pate akisema mwanamke huyo aliwasili mjini Abuja kwa ndege ya kimataifa akitokea Uganda.
Erdogan: Uturuki imefanikiwa kutibua njama za kuitumbukiza katika vita vya kikanda
Rais wa Uturuki ameashiria kuongezeka kwa migogoro kuanzia Ukraine na Gaza hadi Iran, Yemen, Lebanon na Syria, akisema nchi hiyo inaendelea kuchukua hatua za kujilinda dhidi ya athari za kuyumba kwa usalama na utulivu katika eneo hilo.
Uturuki, Saudi Arabia zajadiliana usalama wa kikanda
Kulingana na vyanzo ndani ya wizara hiyo, wawili hao walijadili hali ya usalama wa kikanda, hususani mashambulizi dhidi ya Saudi Arabia.
Machafuko ya Ulaya yafichua madhila ya uchumi, ufisadi na mzigo wa madeni
Kilichoanza na wanafunzi wanaoandamana kupinga mazingira duni ya shule, uhaba wa walimu, na kupanda kwa gharama za elimu, kimegeuka kuwa vuguvugu pana zaidi dhidi ya gharama za maisha
Haki zote zimehifadhiwa. Newstimetr © 2026
