Ufaransa na Poland Zazindua Msimu wa Utamaduni wa Pamoja 2027

Serikali za Ufaransa na Poland zimetangaza kuandaa Msimu wa Utamaduni wa Pamoja mwaka 2027, tukio litakalofanyika kwa wakati mmoja katika nchi zote mbili ili kuimarisha mazungumzo na uhusiano wa kirafiki.

Tangazo hilo lilitolewa na Waziri wa Ulaya na Mambo ya Nje wa Ufaransa, Jean-Noël Barrot, pamoja na Waziri wa Utamaduni, Rachida Dati. Kwa mujibu wa taarifa rasmi, mpango huo ni sehemu ya utekelezaji wa Mkataba wa Nancy ulioanza kutumika Januari 2026, unaolenga kuimarisha ushirikiano wa kisiasa, kiuchumi, kitamaduni na kisayansi kati ya Paris na Warsaw.

Taarifa hiyo inaeleza kuwa zaidi ya miaka 20 tangu kuandaliwa kwa msimu wa “Nova Polska” nchini Ufaransa, toleo hili jipya linalenga kuzikaribisha zaidi jamii za kiraia na vijana, hasa katika kipindi cha mabadiliko makubwa ya kijiografia na kijamii barani Ulaya.

Waandaaji wanasema msimu huo utaangazia ubunifu na mawazo mapya ya vijana, huku ukisisitiza mchango wa sanaa, maarifa na fikra huru katika kuimarisha mshikamano wa kijamii na mradi wa pamoja wa Ulaya.

Matukio hayo yatatekelezwa kwa ushirikiano kati ya Taasisi ya Utamaduni ya Ufaransa na Taasisi ya Adam Mickiewicz ya Poland, kwa uratibu wa wizara za Utamaduni na Mambo ya Nje za nchi hizo mbili.

Chanzo: AA