Tanzania yamuachilia Boniface Mwangi

22 May 2025

Boniface Mwangi mwanaharakati wa Kenya na mwenzake wa Uganda Agather Atuhaire walikamatwa na mamlaka za Tanzania siku ya Jumatatu walipokwenda nchini humo wakitaka kuhudhuria kesi ya kiongozi wa upinzani Tundu Lissu.

Serikali ya Kenya imethibitisha kuachiwa kwa mwanaharakati wa nchi hiyo Boniface Mwangi. Awali Boniface alikuwa anashilikiwa nchini Tanzania baada ya kuingia nchini humo kwa lengo la kutaka kuhudhuria kesi ya Tundu Lissu, kiongozi wa chama cha upinzani Chadema.

Kwa mujibu wa ofisi ya Mambo ya Nje ya Kenya, na vyombo vya habari vya Kenya, Boniface alisafirishwa kwa njia ya barabara na kupatikana katika mji wa Ukunda uliopo Pwani ya Kenya, takriban kilomita 30 kutoka mji wa Mombasa.