Kungiyar Yahudawa ta Jewish Voice for Peace ta gudanar da zanga-zanga a manyan biranen Amurka a dare na 8 na cikin al'adun Yahudawa na Hanukkah inda suke nema Isra'ila ta daina yakin da take yi a yankin Gaza na Falasdinawa
Wata kungiyar Yahudawa da ke neman Isra'ila ta daina kai hare-hare a Gaza ta gudanar da jerin zanga-zanga a birane takwas na Amurka ranar Alhamis a kwana na takwas na bikin al'adun Yahudawa mai suna Hanukkah, inda suka toshe hanyoyi da gadoji a biranen Washington da Philadelphia.
A Washington, kungiyar Yahudawa ta Jewish Voice for Peace ta ce masu zanga-zanga kimanin 90 sun toshe wata babbar hanya a yankin New York Avenue da ke arewa maso yammacin babban birnin kasar. 'Yan sanda sun ce masu zanga-zangar sun toshe wasu manyan tituna na New York Avenue da North Capitol Street sannan suka bukaci mutane su yi amfani da wasu hanyoyin.
"A dare na 8 na bikin Hanukkah, a birane 8 da kuma gadoji 8," in ji kungiyar Jewish Voice for Peace a sakon da ta wallafa a shafinta na X, wanda a baya ake kira Twitter.
"Mun taru a nan, da kuma a fadin kasar nan, inda muke da yawa, kuma muna cewa ba mu yarda a ci gaba da kai hare-hare ba."
An yi manyan gangami a Boston, Atlanta, Chicago, Minneapolis, Seattle da Portland da Oregon.
'A bar mutanen Gaza su sarara'
A Philadelphia, masu zanga-zanga kusan 200 sun toshe manyan hanyoyi masu lamba I-76, amma an kama mutum fiye da 30, kamar yadda ganau suka gaya wa kamfanin dillancin labarai na Reuters. Masu zanga-zangar sun rike kwalaye da aka rubuta cewa: "A bar mutanen Gaza s usarara" da kuma "Ba da yawunmu ake yaki ba."
Morocco extinguishes forest fires in northern, central regions
Moroccan authorities on Saturday extinguished forest fires that broke out in the provinces of Tetouan in the north and Taroudant in the country's central region.
Ugandan diplomat Olara Otunnu joins race to succeed Guterres as UN chief
Ugandan diplomat Olara Otunnu has joined the contest to become the next secretary-general of the United Nations, the seventh contender seeking to succeed Antonio Guterres later 2026.
Tanzania's main opposition says 51 of its officials charged with terrorism
Tanzania’s main opposition party on Saturday said 51 of its officials were arrested and charged with terrorism.
