Yaƙin da Isra'ila take yi a Gaza — wanda ya shiga kwana na 414 a yau — ya kashe Falasɗinawa fiye da 44,100 tare da jikkata fiye da mutum 104,300. A Lebanon, Isra'ila ta kashe fiye da mutum 3,640 tun daga watan Oktoban 2023.
Asabar, 23 ga Nuwamba, 2024
0300 GMT — Isra'ila ta harba makamai masu linzami guda huɗu tsakiyar birnin Beirut na Lebanon, inda ta kashe aƙalla mutane huɗu da jikkata wasu 33, kamar yadda kafofin watsa labarai na ƙasar suka rawaito, inda suka ƙara da cewa ana fargabar adadin zai iya zarta haka.
An kai hare-haren ne unguwar Basta, a cewar mazauna yankin, suna masu ƙarawa da cewa an rusa gine-gine da dama.
Kamfanin dillacin labarai na gwamnatin Lebanon, National News Agency ya ce, jiragen yaƙin Isra'ila "sun ruguza wani gida mai hawa takwas baki ɗaya da makamai masu linzami biyar."
An riƙa jin jiniya a lokacin da motocin ɗaukar marasa lafiya ke rige-rige zuwa wajen da aka kai harin a unguwar Basta ta birnin Beirut.
Wani bidiyo da gidan talabijin na Lebanon Al Jadeed ya wallafa ya nuna aƙalla ɗaya daga gine-ginen da kuma lalata wasu gine-ginen da suke kusa da shi.
Hare-haren, waɗanda aka kai su da misalin karfe 4 na safe, ya zo ne kwana ɗaya bayan wasu munanan hare-hare a wata unguwa ta kudancin Birnin Beirut da kuma kudancin birnin Trye dake gaɓar ruwa.
Uganda's ex-military intelligence officer extradited to US to face arms smuggling charges
A former confidant of Uganda's army chief has been extradited to the United States for allegedly plotting to provide weapons to Mexican drug cartels.
Six Nigerian imams abducted on their way to pray for president's re-election
Armed men, locally known as bandits, have kidnapped six imams in a northern Nigeria, police said on Sunday.
