Jeshi la Mali linasema limetibua shambulio katika kambi ya jeshi, ‘kuwakata makali’ magaidi 13

Siku ya Jumatatu jeshI la Mali lilisema limefanikiwa kutibuwa “jaribio la magaidi” la kutaka kuvamia kambi ya kijeshi ya Timbuktu kaskazini mwa Mali.

Magaidi kumi na tatu “walikatwa makali,” na silaha, magari na vitu vingine vilipatikana, taarifa hiyo ya jeshi ilisema.

Ilisema kuwa hali kwa sasa “imedhibitiwa” na juhudi za kuwasaka zinaendelea kote mjini Timbuktu.

Taarifa hiyo haikutaja kundi la kigaidi ambalo limehusika na jaribio hilo, lakini wapiganaji wote wenye uhusiano na makundi ya ISIS (Daesh) na al-Qaeda wamewahi kutekeleza mashambulizi katika eneo hilo siku za nyuma.

Haya yamejiri siku moja baada ya shambulio la magaidi kulenga kambi ya kijeshi ya Boulkessi katikati mwa eneo la Douentza.