Masu ibada Kiristoci 166 da aka yi fargabar ‘yanbindiga sun yi garkuwa da su a ƙauyen Kurmin Wali na Jihar Kaduna a watan da ya gabata, sun fara komawa gida bayan da aka gano cewa da dama daga cikinsu sun tsere ne a lokacin harin suka fake a wasu ƙauyuka. Wani shugaban al’umma ya tabbatar da hakan a ranar Lahadi. AFP
Shugaban al’ummar Kurmin Wali kuma babban limamin addini, Ishaku Dan’azumi, ya bayyana cewa an fara tunanin dukkan mutane 166 an yi garkuwa da su, amma daga bisani aka gano cewa 80 daga cikinsu sun tsere kuma sun dawo gida, yayin da ake kyautata zaton mutum 86 na nan a hannun masu garkuwa da mutane. AFP
Godiya Ayuba, uwa mai ‘ya’ya shida wadda ta tsere daga harin, ta ce ta shafe sa’o’i tana tafiya cikin daji da gonaki kafin ta isa wani ƙauye, inda daga baya aka taimaka mata ta koma gida. Ta bayyana farin cikinta da dawowa, amma ta ce tana cikin baƙin ciki domin biyu daga cikin ‘ya’yanta har yanzu suna hannun ‘yanbindiga. AFP
Harin wanda aka kai ranar 18 ga Janairu yayin ibadar ranar Lahadi a coci-coci uku, na daga cikin jerin hare-haren garkuwa da mutane da ake yi a arewacin Nijeriya, lamarin da ke ƙara janyo hankalin ƙasashen duniya kan matsalar tsaro a ƙasar. AFP
Masu garkuwa da mutanen ana zaton ‘yan ɓarayin daji ne, yayin da Nijeriya ke ci gaba da fuskantar matsalolin tsaro daga ‘yanbindiga, rikicin manoma da makiyaya, da kuma ƙungiyoyin masu iƙirarin jihadi a yankin arewa. AFP
