Erdogan wa Uturuki alaani mashambulizi ya Houthi katika mazungumzo ya simu na MBS wa Saudi Arabia

Rais wa Uturuki Recep Tayyip Erdogan amelaani vikali mashambulizi ya wapiganaji wa Houthi yaliyolenga Saudi Arabia katika mazungumzo kwa njia ya simu na Mwanamfalme Mohammed bin Salman, akisisitiza uungaji mkono wa Uturuki kwa Saudi Arabia huku uhasama ukiongezeka katika kanda.

Kurugenzi ya Mawasiliano ya Uturuki ilisema siku ya Jumanne kuwa viongozi hao wawili walijadili yanayojiri sasa hivi katika kanda na mashambulizi kwa Saudi Arabia.

Erdogan alilaani vikali mashambulizi hayo yaliyolenga maeneo ya Saudi Arabia na kutoa salamu zake za rambirambi kwa wale waliopoteza maisha.

Uturuki imeahidi kuendelea kuunga mkono Saudi Arabia

Erdogan amemwambia mwanamfalme kuwa Uturuki itaendelea kuunga mkono Saudi Arabia katika kipindi hichi, akieleza matumaini kuwa utawala huo utafanikiwa kukabiliana na changamoto za sasa, kurugenzi ilisema.

Mawasiliano hayo ya simu yalisisitiza dhamira ya Uturuki kuunga mkono Saudi Arabia wakati ikikabiliwa na mashambulizi yanayosemekana kutekelezwa na wapiganaji wa Houthi wa Yemen.

Uturuki imeungana na washirika wengine katika kanda kulaani mashambulizi hayo na kutoa wito kwa juhudi za kukabiliana na hali ya taharuki na kuhakikisha usalama katika eneo hilo.