Uturuki Yaendelea Kuzuia Safari za Herzog Kupitia Anga Lake

Hatua ya ndege ya Rais wa Israel Isaac Herzog kuepuka anga ya Uturuki imeibua upya kumbukumbu za mvutano wa awali kati ya Ankara na Tel Aviv kuhusu matumizi ya anga la Uturuki.

Mwaka 2024, Uturuki ilikataa kumpa Herzog ruhusa ya kutumia anga lake kwa safari ya kuelekea mkutano wa COP29 mjini Baku, Azerbaijan.

Baada ya kuzuiwa huko, Herzog alighairi safari hiyo akitaja sababu za kiusalama.

Tukio la sasa linaashiria kuwa uhusiano wa anga na kidiplomasia kati ya mataifa hayo mawili bado haujarejea katika hali ya kawaida.

Wachambuzi wanasema hatua hiyo ni ishara nyingine ya kuzorota kwa mahusiano ya kisiasa kati ya nchi hizo.

CHANZO: Newstimehub